Diahuebs merdia a drenta informe di cu un motociclista a cay y herida su mes na Sero Preto Paradera, mesora a dirigi tanto polis como ambulans na e sitio. Na yegada di e patruya a bin compronde cu e motociclista di 17 aña tabata bayendo pariba y dado momento a perde control y e brommer a bay na e banda robes di e caminda mientras e mes a bay na e banda drechi di caminda. Debi na e caida e hoben a haya basta sla y tabata keha di hopi dolor. Na yegada di e ambulans nan a atende e hoben y a transporte cu urgencia pa hospital.