Diadomingo anochi a tuma nota di un boto sospechoso nabegando for di awanan
Venezolano den direccion di Aruba. Inmediatamente a alerta personal di Wardacosta pa
asina investiga esaki. Na momento cu a yega cerca di e boto tipo ‘dinghy’, a tuma nota di
dos persona di nacionalidad Venezolano sin e documentonan necesario pa por drenta
Aruba di manera legal. Den e ‘dinghy’ a tuma nota cu tawata tin diferente boter di
limonada. A controla profundamente e ‘dinghy’ pero no haña nada mas peculiar den e
boto. Miembronan di Wardacosta a detene e capitan y a entrega e persona na personal di
Cuerpo Policial di Aruba. E otro persona a ser entrega na personal di Guarda Nos Costa.
E caso lo sigi den investigacion.