Diadomingo atardi polisnan a nota un dama turista drumi abao y algun hende rond di dje net dilanti e bus station na Oranjestad, mesora a yega cerca y a bin compronde cu aki ta trata di un drone cu lo a baha y bay dal un dama turista na su pia. Personal di ambulans a ser avisa y a presenta na e sitio. Polis mientrastanto a confisca e drone. Na yegada di e ambulans nan a atende e dama y a transporte pa hospital.
