Dialuna merdia a drenta informe di un accidente cu hende herida pariba di Great Rich na Paradera, mesora a dirigi tanto polis como ambulans na e sitio. Na yegada di e patruya a bin compronde cu e hobencita chauffeur aki no a regula su velocidad ni a mantene distancia y ela bay dal tras di un pick-up di D.O.W. Na prome instante e chauffeur di e pick-up tabata keha pero na yegada di e ambulans e dolor a mengua. E paramediconan di ambulans a conseha e chauffeur di e pick-up pa e si bolbe haya dolor e bay na su dokter di cas of hospital, E hobencita tabata yora un rato pasobra ela accidenta.