Diadomingo merdia a drenta informe di un accidente cu hende herida na Caya Eleuterio “Boes” Orman, mesora a dirigi tanto polis como ambulans na e sitio. Na yegada di e patruya a bin compronde cu un chauffeur burachi den un auto cora diripiente a hala na man robes bay dal semi-frontal riba un auto contrario maneha pa un dama y a manda esaki dal riba un muraya di cas, mientras e mes a perde control bay dal e cura di e otro cas. Na yegada di e 2 ambulansnan nan a atende ambos victima y a transporta nan pa hospital. Polis a detene e chauffeur bao influencia.