Autentico Aruba Culinary Festival ta drenta den su ultimo anochi di evento, caminda cu ta celebra e tradicion culinario y e diversidad cultural di Aruba. Cu mas di shen nacionalidad riba nos isla, e evento aki ta otro momento caminda cu ta celebra nos herencia cultural y e diferente saboran cu ta forma parti di nos identidad. E evento a conta cu participacion di diferente restaurant y companianan di bebida di calidad halto cu a provee un excelente servicio riba e prome anochi. Alabes, un anochi cu a conta cu e excelente competencia di Bartenders’ Brawl. E di dos anochi tambe ta priminti di ta uno magico, caminda cu lo conta cu e gran competencia di Iron Chef.

A.T.A. y e ekipo di Autentico Aruba Culinary Festival ta gradici e comunidad local pa nan comprension durante cierre di e cayanan den Oranjestad durante di e Wilhelmina Pavilion. Alabes, nos ta desea di comparti cu e cayanan di Wilhelminastraat, Ooststraat, Van Walbeeckstraat, Oude Schoolstraat, Irenestraat, Zuidstraat, Caya Betico Croes, Nieuwstraat, Hospitaalstraat lo ta un biaha mas accesibel pa trafico entrante dialuna 5or di marduga. Esaki ta nifica cu e fluho di trafico lo por sigui normal dialuna mainta 14 di oktober, 2024.

Cu un acogida sumamente exitoso diparti di e comunidad local y e huespednan cu ya caba ta riba nos isla, Autentico Aruba Culinary Festival ta bira un evento Sold Out riba tur dos anochi. Un evento cu a percura pa ofrece un experiencia culinario sumamente emocionante.

A.T.A. y e ekipo di Autentico Aruba Culinary Festival ta manda un palabra di gratitud na tur compania, voluntario, ekipo interno y externo, cu a contribui na e exito di Autentico Aruba Culinary Festival 2024.