Diahuebs madruga a drenta informe di cu un dama aparentemente americano lo tabata indica unda e ta banda di e rotonde di City Inspector y polis por a tende cu un tal Norman lo ta maltrat’e y e telefon a sera, meaora a dirigi un patruya na e sitio. Na caminda pa e sitio e dama a haya otro telefon y a bolbe yama indica cu ta su ex-pareha a bin maltrat’e y tambe maltrata su pareha nobo. Na yegada di e patruya a bin compronde cu ta su ex-pareha Norman A. di Ayo a maltrat’e y su pareha nobo. Polis a nota e gravedad di e agresion y a solicita presencia di ambulans. Na yegada di ambulans a constata cu e maltrato enberdad ta severo te cu e mester bay hospital. Polis a avisa e victimanan percura nan haya un raport medico di e lesionnan ricibi y bay cu esakinan pa recherche. Ambulans a transporta e victimanan pa hospital.