Diamars mainta a drenta informe di un accidente cu hende herida riba E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal net na e entrada pa bay Kooyman. Aki un dama chauffeur den un Nissan March pa motibonan te ainda desconosi a bay sali den direccion prohibi net na e entrada pa bay Kooyman y a bay zuid riba e caminda contrario net ora cu un truck tabata biniendo na e banda drechi y e chauffeur di e truck mesora a reacciona y a primi brake. E dama den e March a hala na e otro banda y a bay dal frontal riba un Isuzu pick-up cu tabata na e banda robes. Debi na e impacto ambos chauffeur a resulta herida. Na yegada di e ambulansnan e paramediconan a atende ambos chauffeur y a transporta nan pa hospital.