Diadomingo madruga a drenta informe di un accidente cu hende herida banda di rotonde Sasaki, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Toyota Prado saliendo for di e rotonde a bay banda robes di caminda dal un Hyundai Accent di direccion contrario den banda sigui bay na man robes bay cay den e greppel. Debi na e impacto y caida den e greppel e chauffeur a resulta herida. Na yegada di e ambulans nan a atende e chauffeur y a transporte pa hospital. Un dama den e Accent tambe tabata keha di dolor di nek y a ser atendi pa e personal di ambulans na e sitio mes.