Diabierna atardi a drenta informe di un accidente cu hende pega y herida dilanti King Plaza riba Sasakiweg, mesora a dirigi tanto polis, ambulans como tambe bombero na e sitio. Na yegada di e patruya a bin compromde cu aki ta trata di un accidente entre 3 vehiculo un Hyundai Santa Fe, un Toyota Hiace van y un Box Truck unda e Santa fe a bay dal duro tras di e truck bolter dal e van. Debi na e fuerte impacto e chauffeur di e Santa Fe a resulta herida y a keda pega den e auto. Na yegada di bombero mesora a cuminsa habri e auto cortando partinan di e vehiculo pa asina libera e chauffeur kende ta un persona di edad. Na yegada di e ambulans mesora a inicia cu atende e victima y manera cu bomberonan a logra libera e chauffeur a transporte pa hospital. Esnan den e Hiace van cual tabata trata di un tour van cu turistanan y e chauffeur cualnan a sali ileso for di e accidente.