Diabierna mainta a drenta informe di un caso di destruccion na Moko, mesora a dirigi un patruya na e sitio. Na yegada di e patruya a bin compronde cu aki ta trata di un caso unda un persona cu problema di salud mental cu pa añas ta causa problema cu tur e bisiñanan rond y hasta su mesun famia pero e biaha aki atrobe a causa destruccion na auto di un bisiña unda destrui e lens di e lus di reverse di un Honda Accord, nan a mir’e y a avisa polis mesora. Na yegada di e patruya a tuma e denuncia y net momentonan cu polis a caba a nota e sospechoso bandonando e area y nan a par’e y a detene. A pidi e vehiculo di transporte pa hib’e warda di polis.