Diadomingo anochi a drenta informe di cu tin un pelea andando na un bar restaurant na Hendrikstraat, mesora a dirigi patruyanan di Oranjestad na e sitio. Na yegada di e patruya a bin haya un conmocion unda tur cos tabata bruha y por a tende cu tabata tin destruccion di un auto y un pleitamento cu bringamento. Polis a logra saca afor cu aki ta trata di un problema entre 2 muhe unda keho ta ser duna di ambos banda. Polis cu no a observa e causa di e inicio di e problema a base di declaracionnan di testigonan a detene 2 muhe y a hiba ambos separa na warda di polis.