Diadomingo merdia a drenta informe di cu tin un persona a bira malo y no ta reacciona na un adres di un airbnb na Turibana pero no sa exactamente e adres, mesora a dirigi un patruya pa asina saca afo ta na cual adres e mester ta. Unabes patruya a logra haya e adres a informa ambulans ya cu aki ta trata di un dama hulandes europeo kedando na un apartamento airbnb cu lo a habri e gas di e stoof y a cay drumi. Ora a haya e dama e no por a reacciona pero si tabata halando rosea. Polis a haci e area limpi y safe pa por yuda den e situacion. Na yegada di e ambulans mesora nan a atende y a transporte cu urgencia pa hospital.