Diadomingo madruga a drenta informe di cu tin un persona herida den un auto banda di e Linear Park, mesora a dirigi un patruya na e sitio. Na yegada di e patruya a bin encontra cu un auto Honda Fit para den e sorteer vak pa bira drenta Adriaan Lacle Blvd. Den e auto a haya un chauffeur herida cu a bisa di cu un otro chauffeur a baha reclam’e pa e pone signlight mientras di tricion a bini un otro persona su tras a dal e y nan a agredie lag’e ta sangra pa orea y un banda di wowo hincha, mesora a solicita un ambulans na e sitio. Na yegada di e ambulans nan a atende e victima.