Diadomingo madruga a drenta informe di un accidente unda tin un auto riba su dak meymey caminda na Madiki, mesora a dirigi un patruya na e sitio. Na yegada di e patruya a bin compronde cu ta trata aki di un Kia Sportage preto cu a bay dal un Honda Fit stacion y despues dal un Daihatsu Boon y finalmente a bolter. Un chauffeur masculino y un ocupante femenino a caba di cana bay for di e sitio y un di nan ta herida esaki despues di a dal 2 auto y a bolter. Nan a cana bay pariba y despues bay nort un di nan tabata sangrando. Ora polis a controla e number esaki no ta cuadra cu e auto y polis a confisca esaki pa mas investigacion. Na e sitio polis a logra haya celular di un di esnan cu a accidenta y pronto lo captura esnan responsabel.