Diabierna birando anochi a drenta informe di un accidente cu hende herida na e crusada Weg Rooi Hundo cu Weg Fontein, mesora a dirigi tanto polis como ambulans na e sitio. Na yegada di e patruya a bin compronde cu aki un chauffeur a perde control y a bay dal riba e cura di un cas. Debi na e fuerte impacto tanto e chauffeur como e ocupante a resulta herida. Na yegada di e 2 ambulansnan a atende y hiba ambos victima cu urgencia pa hospital.
