Dia 25 di september pa 11:33 PM a sosode un interupcion den planta di generacion di coriente di WEB cual a causa interupcion di coriente na barionan di entre otro Pos Abou, Seroe Blanco, Tanki Leendert y vecindario. Esaki debi na un cortocircuito den ‘busbar A scheider’ caminda motornan RECIP #9 y #10 a cay afo. Consecuentemente WEB a kita suministro di coriente pa N.V. Elmar. Team di WEB a tuma accion mesora na momento di e sucedido pa asina acelera e proceso di recuperacion di suministro. Pa 12:15 AM a recupera suministro di coriente 100% pa N.V. ELMAR y consecuentemente pa e barionan afecta. WEB ta consciente di e molester cu e interupcion a causa y ta ofrece nos sincero disculpa pa esaki. Internamente lo haci un evaluacion di e daño. Gerencia di WEB ta manda palabra di gradicimento pa tur cu a haci nan maximo esfuerso pa reacciona rapidamente.