Diamars net prome cu merdia a drenta informe di un accidente cu hende herida dilanti airport riba e Green Corridor, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e auto A556 a dal un hoben peaton cu a crusa sin pone bon atencion. Door di e impacto e hoben a haya basta sla na su cabes y na yegada di e ambulans nan a atende y mester a transporte cu hopi urgencia pa hospital, polisnan a sera e caminda pa asina evita e trafico pa ambulans. Un rato despues e chauffeur di e auto tambe a bira malo y mester a hib’e hospital tambe.