Aruba por admira e arte di Armando Goedgedrag na EPB Hato.
Pa casi 85 aña, Kooyman a dedica su mes na provee comunidadnan caribense cu herment-, productonan y experticio cu nan mester pa construi, crea, embeyece y prospera. Un di e metanan ta, pa contribui na nos comunidad dor di duna un man na proyectonan cu un impacto positivo riba Hubentud, Enseñansa, y Sostenibilidat. Kooyman a bin ta sostene vision di artistanan local cu Colors of the Caribbean, y ta bolbe extende esaki den un campaña cu ta cubri tur 5 isla. E biaha aki como parti di e celebracion di 85 aña. Un campaña multicultural y hopi colorido, poniendo enfasis riba arte, creacionnan unico y e cultura di nos isla.
Cinco artista talentoso di nos islanan; Aruba, Bonaire, Curacao, St. Maarten y Barbados a crea cada un, un mural cu ta representa e “Colornan di Caribe” y ta duna bida na e esencia di nan isla. Pa ecampaña aki ta busca specificamente organizacionnan sin fin di lucro, manera scolnan y centronan deportivo, pa duna bek na comunidad dor di crea un mural cu ta inspira tur cu ta admire. Kooyman a sostene e vision di cada artista cu e localidadnan p’e mural ideal riba nan isla y tambe a suministranan e pintura cu nan tabatin mester pa haci e trabou. Di e manera aki, Kooyman kier inspira comunidad pa agrega color na nan mundo. Kooyman tin tur tipo di verf pa agrega color na bo estilo di bida; sintibo inspira pa cambia e color di cas, oficina, area di ehercicio, patio y mas. Kooyman ta felicita e artistanan cu nan mural y pa hasi e campaña aki uno realmente impactante. Pa Aruba tabata Armando Goedgedrag, cu e mural yama ‘E FUTURO TA BRIYANTE’. EPB Hato tabata e scol cu suerte pa ricibi e mural aki. Kooyman ta gradici EPB pa permiti nan realisa e mural na nan scol.
E Futuro ta Briyante – Armando Goedgedrag
Riba imagen adhunto, un obra colorido y digno di admiracion. Armando a crea ‘E FUTURO TA BRIYANTE’ inspira riba Aruba su naturalesa y Simbolo Nacional, e Shoco, cu tambe ta cuadra cu scol pues e ta simbolisa sabiduria y conocimento. Armando ta spera di stimula creatividad, ideanan y conversacionnan positivo. Kooyman ta invitabo pa pasa admira e proyecto bunita aki na EPB Hato. Pa mas informacion, bishita e ‘paint hub’ na www.kooymanbv.com of Kooyman su pagina di Facebook y Instagram.
