Den fin di siman a drenta informe di ladronicia di un auto Toyota Yaris for di Moomba, mesora polis a presenta y a tuma e denuncia. Diaranson familiarnan di e doño di auto pasando na Palm Beach a nota e auto horta staciona banda di un gym. Mientras e famia tabata warda polis a yega un homber y a subi den e auto. E ora ey e famia a acerke y a bis’e cu esey ta nan auto y ki mishi e cun’e si nan a hort’e for di Moomba. E homber a bisa cu esey ta su auto cual ela bay traha cun’e den fin di siman. E famia a mustr’e cu e auto ta di nan y cu aparentemente su auto lo ta na Moomba ainda. Na yegada di e patruya a bin saca afo cu ambos auto ta identico y ta e homber y e muher doño di e auto ta traha na mesun lugar y como cu e yabinan ta poco gasta esakinan ta habri e auto. Nan mes a resolve e asunto di e ekibocacion aki.