Dialuna mainta a drenta informe di cu for di Cobalodo tin e Hyundai Elantra blanco a caba di sali y ta bayendo banda di Mundo Nobo Supermarket y e chauffeur lo tin un arma di candela cun’e, mesora a alerta e patruyanan riba caya pa para e auto aki y control’e. Na altura di Citgo Tanki Leendert polis a logra topa y a para e auto aki. Por a compronde cu na Cobalodo lo tabata tin un problema di pareha unda e sospechoso den e Elantra lo a saca un arma di candela y a dal su pareha cu e cabo di e arma patras di su cabes y a bay for di e sitio. Polisnan a rondia den e auto pero no a logra haya ningun arma. Polisnan a detene e chauffeur mesora y a pidi un vehiculo di transporte pa hiba e detenido na warda di polis. Un di e cachonan di K9 a controla e auto y a detecta algo den e auto y polis a confisca e vehciulo pa bay na warda di polis pa asina nan busca den e auto mas den extenso.