Diasabra marduga a drenta informe di un accidente cu hende herida na Jan Flemming, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un incidente cu un brommer unda un hoben motociclista biniendo for di Balashi direccion Jan Flemming a perde control, dal riba e vangreel y cay riba e caminda di tera. E motociclista tabata keha di dolor na pia, pa cual ta sospecha cu e lo a kibr’e. Na yegada di e ambulans nan a atende e victima y a transporte pa hospital.
