Diamars atardi a drenta informe di cu tin un persona benta den e parkinglot di Arubus patras di Aruba Trading den Weststraat, mesora a dirigi tanto polis como ambulans na e sitio. Na yegada di e patruya a bin topa cu un dama basta herida benta den e parkinglot y a pidi e ambulans cu urgencia. Na yegada di e ambulans nan a atende e dama y a transporte cu urgencia pa hospital sin por a haya sa exactamente kiko a pas’e.
