Diasabra madruga a drenta informe di un accidente dilanti di Marriott Surf Club na Palm Beach, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur local biniendo for di Malmok a hala na banda robes di caminda y a bay dal frontal riba un auto di huur cu 3 turista aden di cual un a resulta levemente herida pero no tabata desea atencion di ambulans. Polis a nota cu e chauffeur lo ta bao influencia y a pone haci e test. E chauffeur su test a surpasa e limite permiti pa ley y polis a detene.