Diahuebs atardi a drenta informe di un accidente cu hende herida na Sero Compa, mesora a dirigi tanto polis como ambulans na e sitio. na yegada di e patruya a bin compronde cu aki ta trata di un accidente unda cu un pick-up a bay bira na man robes net ora cu un auto ta pas’e y nan a dal den otro den e auto cu tabata pasando unda tabata tin un dama na estado y un dama di edad. E chauffeur di e pick-up mes a bira agresivo y a bay for di e sitio lagando su pick-up atras. Na yegada di e ambulansnan nan a atende e 2 damanan victima y a transporta ambos pa hospital.