Diahuebs merdia a drenta informe di cu un dama a ser corta na su nek y ta sangrando profusamente na Goletstraat, mesora a dirigi tanto polis como ambulans na e sitio. Na yegada di e patruya a bin haya e dama habotante sangrando profusamente for di un herida na su nek y a pres un paña riba e herida pa evita mas sangramento mientras a solicita presencia di ambulans cu urgencia. Locual a sosode ta cu pa un tempo caba nan lo tin un problema cu otro pero awe cos a escala ora a corta e dama na su nek. Polis a informa mesora ken ta sospechoso y cu esaki ainda ta den cercania. Un otro patruya atento a logra topa e sospechoso y mesora a detene. Na yegada di e ambulans nan a atende e victima y a transporte cu urgencia pa hospital. A solicita presencia di e investigadornan technico y forensyco pa bin documenta e hecho aki.