Diaranson mainta a drenta informe di un accidente cu hende herida na Brusca, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di un Kia Sportage no tabata tin bista na trafico di preferencia y a sali y un Nissan March a bin dal den dje. E impacto tabata fuerte y ambos chauffeur a resulta herida. Despues di basta rato ta warda a resulta cu tabata tin un confusion den comunicacion pasobra e accidente tabata na Brusca esta patras di E.P.B. Hato pero na e mesun momento tabata tin un otro accidente dilanti di E.P.B. y e ambulans a yega eynan pensando cu esey ta e accidente pero nan a bisa no tin hende herida, despues di un rato ta warda y a haya sa di e confusion eynan y a manda e ambulans na e accidente mes unda cu tabata tin hende herida. Polis a bay hala atencion di e bisiña cu tabata tin su auto mal para cual ta esun cu realmente ta e causante di e accidente.