Dialuna madruga departamento di Crimen Organisa a haci un entrada hudicial na un cas na Madiki enconexion cu a intercepta un boto mas tempran door di Kustwacht.

Durante cu a intercepta e boto a logra confisca bastante droga.

Departamento di Crimen Organisa atento a dal baho mundo un biaha mas.Na e cas na Madiki a detene 4 homber y un muher di nacionalidad Venezolano.

Un total di 5 detencion y nan lo mester duna cuenta na husticia pa cu nan involvimiento den e caso grandi aki.

Durante e entrada hudicial diferente departamento di Cuerpo Policial a forma parti, entre otro Team di Aresto, Flex Team, K-9 Unit y polis Uniforma.

Un bon trabao di Kustwacht conhuntamente cu Cuerpo Policial Aruba.

No ta descarta cu lo tin mas detencion. Di parti di Cuerpo Policial un biaha mas ta recorda e cuidadanonan cu si tin cualkier informacion pa yama e tiplijn di polis cu ta 11141. Nos ta garantisa bo anonimidad.