Diadomingo anochi a drenta informe di un accidente cu hende herida dilanti Acero na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e BYD F3 a bay banda robes di caminda y a bay dal riba un Nissan March di direccion contrario drey esaki rond dal riba un Hyundai Accent. Debi na e fuerte impacto un dama pasahero den e BYD y un otro persona den e Hyundai Accent a resulta herida. Na yegada di e ambulans a atende e victimanan y a transporta unicamente e dama pasahero den e BYD kende recientemente a opera y ta keha di dolor.