Diasabra anochi a drenta informe di un caso di maltrato cu hende herida na un bar na Hendrikstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di maltrato unda nan lo a dal un persona di 52 aña cu un mokete na su cara y a kibra su cacumbein. Na yegada di e ambulans nan a atende e victima. Polis a informa e victima cu e por pasa na recherche cu e informe medico na recherche pa e por entrega keho.