For di 2 siman pasa por a kuminsa skucha músika riba 98.9 na Boneiru. E siman aki a kuminsa pone jingles i a ripará ku ta Cool FM 98.9 a kuminsa na Boneiru tambe.
Cool FM no ta deskonosí. For di 2002 a kuminsá na Aruba ku un formato diferente di músika. Via e app, website y social media por wak e video clips di e músika ku ta wòrdu toká. Esaki ta un forma nobo di radio ku bo por wak tambe.
Awor a yega na un akuerdo pa asina transmití diferente programa di Aruba pa Boneiru y tambe lo tin diferente programa for di Boneiru mes.
E radio ta riba e mesun frekwensia 98.9 i e lokutornan na Aruba ta hopi konosíi kaba na Boneiru paso nan ta bai toka na diferente evento.
Cool FM 98.9 awor ta duna oportunidad na komersiantenan ku ta na Aruba y Boneiru pa pone propaganda ku ta wòrdu skuchá na tur 2 islanan òf si nan ta deseá riba 1 isla so. Tambe lo uza social media di e radio pa promové.
Boneiru ta kresiendo hopi y a wak e oportunidad pa hiba e radio aki. A hasi un estudio pa wak si lo a pone Fresh FM of Cool FM y a ripará ku e formato di Cool FM 98.9 no tin na Boneiru. Asina a kuminsa ku for di òktober 2019 pa yega na un akuerdo i aworaki e la bira un realidad.
Danki na Boneiru pa risibí e radio y por follow nos via social media di coolfm 98.9 òf tuma kontakto ku nos via info@coolaruba.com
For di siman pasa caba por a cuminsa scucha musica riba 98.9 na Bonaire. E siman aki a cuminsa pone jingles y a ripara cu ta Cool FM 98.9 a cuminsa na Bonaire tambe.
Cool FM no ta desconoci. For di 2002 a cuminsa na Aruba cu un format diferente di musica. Via e app, website y social media por wak e video clips di e musica cu ta wordo toca. Esaki ta un forma nobo di radio cu bonpor wak tambe.
Awor a yega na un acuerdo pa asina transmiti diferente programa di Aruba pa Bonaire y tambe lo tin diferente programa for di Bonaire mes.
E radio ta riba e mesun frequencia 98.9 y e locutornan na Aruba ta hopi conoci caba na Bonaire paso nan ta bai toca na diferente evento.
Cool FM 98.9 awor ta duna oportunidad na comerciantenan cu ta na Aruba y Bonaire pa pone propaganda cu ta wordo scucha na tur 2 isla of si nan ta desea riba 1 isla so. Tambe lo uza e social media di e radio pa promove.
Bonaire ta creciendo hopi y a wak e oportunidad pa hiba e radio aki. A haci un estudio pa wak si lo a pone Fresh FM of Cool FM y a ripara cu e format di Cool FM 98.9 no tin na Bonaire. Asina a cuminsa cu for di October 2019 pa yega na un acuerdo y awor aki e la bira un realidad.
Danki na Bonaire pa ricibi e radio y por follow nos via e social media coolfm989 of contact nos via info@coolaruba.com
