Recientemente a tuma luga na Boneiro reunionnan entre e islanan ABC pa asina evalua e Weganan Interinsular 2024 cualnan a tuma lugar den lunanan anterior y tambe planea e siguiente añanan di e weganan ariba menciona.
Aruba a ser representa door di IBiSA, Boneiro door di INDEBON y Curaçao door di FDDK.
Durante e reunionnan aki tabatin evaluacion riba diferente tema. A evalua con e weganan a transcuri na cada un di e islanan pa aña 2024 y tambe a evalua otro apectonan logistico/organisatorio pa asina haci ahustacion unda tin mester.
Como ultimo tema di e reunionnan a haci escogencia y reparticion di e diferente ramonan di deporte cu lo bay competi pa e temporada nobo di deporte escolar pa aña 2024-2025.
E ramonan di deporte pa cu Weganan Interinsular 2024-2025 lo bay ta:
- Curaçao, 13 – 16 di maart 2025
Schaak / categoria 2014-2015 y 2012-2013, mucha homber y mucha muhe, scol basico y scol avansa;
Aquathlon / categoria 2014-2015 y 2012-2013, mucha homber y mucha muhe – scol basico y scol avansa;
Futbol / categoria 2007 y mas jong, mucha muhe – scol avansa;
- Aruba, 27 – 30 di maart 2025
Basketbal 3×3 / categoria 2011-2013, mucha homber – scol basico;
Dam / categoria 2014-2015 y 2012-2013, mucha homber y mucha muhe – scol basico y scol avansa;
Volleybal / categoria 2011-2013, mucha homber, scol basico;
- Boneiro, 10 – 13 di april 2025
Basketbal 3×3 mucha homber / categoria 2007 y mas jong – scol avansa;
Atletismo / categoria 2014-2015 y 2012-2013, mucha homber y mucha muhe – scol basico y
scol avansa;
Trefbal / categoria 2011-2013 mucha muhe – scol basico;
Meta di e Weganan Interinsular ta pa fortalece e laso estrecho di amistad entre islanan ruman riba e nivel di deporte escolar. Hunto e Identidadnan di Deporte di cada isla cu nan Ministerionan concerni lo percura pa un organisacion sublime di e Weganan Interinsular den aña 2025.
Keda pendiente pa mas informacion.
