Diadomingo madruga a drenta informe di un accidente na Paradera, mesora a dirigi patruya na e sitio. Na yegada di e patruya a bin compronde cu aki ta trata di un accidente unda e chauffeur di un Volkswagen Polo a pasa e caminda pa su cas y a brake net na un “speedbump” (verkeersdrempel) perde control baha caminda dal palo di us y metere di awa kibra. Afortunadamente ningun hende a resulta herida pero e chauffeur a ser deteni pa core auto bao influencia y causa accidente.