Diabierna madruga a drenta informe di cu tin un pelea banda di ex-Music Box na Elleboogstraat, mesora a dirigi un patruya na e sitio. Na yegada di e patruya a bin compronde cu ya e pelea a termina y a haya un di e partidonan cu a declara cu durante nan peea tabata tin tiramento di botter y den esaki un adicto ambulante femenino a resulta herida na su man y tabata sangrando profusamente mientras e otro partido a core bay. Polis a nota e seriedad di e herida y a pidi ambulans pa bin atende cu e victima. Na yegada di e ambulans nan a atende e victima y a transporte pa hospital.