Diamars mainta durante e trafico pega riba L.G. Smith blvd. polis a ricibi informe di cu tin un turista a bira malo y ta hayando atake di curason den auto, mesora a avisa ambulans y a core bay wak e situacion. A bin resulta cu enberdad un turista tabata hayando un atake di curason. Na yegada di e ambulans nan a tuma e pashent over y a cuminsa atende y prepare pa hiba hospital mientras polis tabata guia e trafico. Unabes den e ambulans esaki a dal un “u-turn” y a hiba e victima pa hospital. Slachtofferhulp tambe a ser avisa pa topa e famia hopi altera na hospital.