OPINION: Dialuna mainta un grupito chikito di taxistanan ta purba crea chaos pa asina perjudica nos unico pilar di economia cual awor mas cu nunca ta creciendo y mas nos mester di dje. E accionnan aki tin mannan diabolico tras di e cos aki y ta ser apoya pa cueste loke cueste causa chaos, desorden y baha gobierno den forma desespera. E taxistanan aki cual ta esnan cu mas ta probecha di nos turismo directamente ta haci e daño aki. Na Aruba tin mas di 400 taxi pero ni 100 taxista no ta participando den e accionnan aki. Nan no ta respeta reglanan di trafico nan no ta respeta ni cu tin 3 crucero cu mas di 12000 turista crucero cu ta bishitando nos isla. Enves di probecha esey nan intencionnan ta otro y tin plannan pa crea discordia.