Diadomingo madruga a drenta informe di un accidente na e birada di Sabana Liber prome cu yega e Brug di Madushi, mesora a dirigi un patruya na e sitio, Na yegada di e patruya a bin compronde cu e chauffeur a hay’e ta desvia pa un auto cu tabata bini na e banda robes di caminda y e a desvia perde control y a bay cay den e rooi. Afortunadamente ningun hende a resulta herida. Polis a sinti aliento di alcohol y ora a test e chauffeur esaki a supla casi 700 y polis a detene y hib’e warda di polis.