Diasabra mainta a drenta informe di un accidente den parkinglot di La Cabana, mesora a dirigi patruya na e sitio. Na yegada di e patruya a bin compronde cu aki ta trata di un accidente hit & run unda cu den e oranan di anochi pa mainta un auto lo a dal un otro auto staciona y a sigui core bay. Pero un parti di e auto a cay y a keda eybao. Polis a confisca e parti aki y a tuma tambe e video cu e camara di seguridad pa asina logra captura e auto sospechoso ey.