Diahuebs mainta a drenta informe di colapse di parti di e dilanti riba un negoshi den Caya G.F. “Betico” Croes, mesora a dirigi un patruya na e sitio. na yegada di e patruya a nota cu di berdad un parti di ariba di e dilanti a colapsa. Algun tempo atras full e front ey a yega di bin abao y herida un persona pero pa suerte e biaha aki ningun hende a resulta herida. Polis a conseha e propietaria e pasonan cu e lo mester tuma pa evita algo pio.
