Diahuebs madruga a drenta informe di cu tin un auto para meymey di caminda riba Sasakiweg banda di e baricadanan, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur sin rijbewijs a core malo y a bay dal un di e baricadanan di plastic yena cu santo mand’e te casi baha full fey caminda. Afortunadamente ningun hende a resulta herida.
