Diaranson atardi a drenta informe di un accidente cu basta daño y hende herida, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda 3 auto ta envolvi. Segun por a compronde for di e testigonan cu ta un Mercedes biniendo pabao cu velocidad halto yegando e crusada a spanta purba brake pero a bay un poco dimas na banda robes di caminda y a dal semi frontal riba un Mazda di direccion contrario djey bay dal riba un Mitsubishi L300 para na e crusada pa subi rancando su bumper y a purba sigui bay pero a keda para un poco mas pabao. Den e Mercedes Benz tabata tin un dama di 28 aña pasahero cu ta na estado pa 8 luna y tabata keha di dolor. Na yegada di e ambulans nan a atende e dama y a transporte pa hospital. E dama chauffeur di e Mazda tambe a cuminsa haya dolor. Na yegada di un otro ambulans nan a atende e victima na e sitio mes.