Dialuna madruga durante patruya polis a bin topa cu un accidente na Engelandstraat, mesora a baha atende. A bin resulta cu aki ta trata di un accidente frontal unda un chauffeur a tuma un birada mucho grandi y a bay dal riba e trafico contrario. Ora polis a bay test e chauffeur a bin descubri cu ela surpasa e limite permiti y a detene pa a core auto bao influencia y ocasiona accidente. Afortunadamente ningun hende a resulta herida. E daño material ta considerable.