![](https://www.awe24.com/wp-content/uploads/2024/07/12a14150-bedd-4288-b05c-fc5b6b36e18a-668x334.jpeg?v=1721858120)
Diaranson mainta a drenta informe di un accidente cu hende herida na e crusada George Madurostraat cu Adriaan Lacle blvd., mesora a dirigi tanto polis como ambukans na e sitio. Na yegada di e patruya a bin compronde cu aki ta trata di un accidente unda un Toyota Vitz biniendo den G. Madurostraat no a para pa duna preferencia na e Toyota Yaris di Cuerpo Policial biniendo den A. Lacle blvd. y a dal den esaki. Debi na e impacto despues di basta rato un persona a cuminsa keha di dolor. Na yegada di e ambulans nan a atende na e sitio mes.