![](https://www.awe24.com/wp-content/uploads/2024/07/Mike-y-Benny-668x334.png?v=1721668719)
Manera ta conoci dia 12 di juli 2024, tres (3) hues den Hoger Beroep a baha pisa riba Benny Sevinger den e caso Avestruz y a condena Benny na 4 aña di prizon. Tur esaki ta basa cu tinsuficiente prueba cu Benny Sevinger den caso Avestruz“willens en wetens” a coopera y facilita corupcion cu patrimonio di pueblo den gran escala y a ricibi “gift”, estaregalo a cambio.
Susebeek miho amigo di Benny su rol:
Den e sentencia por a tuma nota cu HOF tres (3) hues a dedicabasta tempo na e caso di Benny y Susebeek. Pagina 33: Deverdachte Susebeek en Benny Sevinger onderhielden een vriendschappelijk relatie met elkaar. Susebeek werd aangesteld als adviseur van Sevinger nadat hij in 2009 aantradals minister. Basa riba un investigacion financiero cu a wordo haci y basa riba e declaracionnan di Benny y Susebeek ta comproba cu Susebeek a haci varios pago pa Benny Sevinger.
Pagina 34: Ta comproba cu Benny Sevinger a manda un e–mail dia 31 di augustus:
Riba pagina 34: di e sentencia ta comproba cu Benny Sevinger a manda un e–mail dia 31 di augustus 2014, pa un compania Ornamental na Miami pa cumpra un “fencing” pa cura di su cas. Den e e–mail aki Benny a splica Ornamental cu nan lo ricibi un “down payment” di $5000 US Dollar di un compania cu e nomber di La Hacienda. La Hacienda ta un otro compania di Susebeek. HOF ta prueba cu dia 9 di september 2014, Pats Property Management N.V. a haci un pago di Afl.9000,- na Ornamental e compania unda cu Benny a bestel su cura di cas. Dia 4 di februari 2015, HOF ta constata cu Pats Property Management a bolbe haci un pagodi Afl. 5.400,- na mesun compania pa un total di Afl.14.400,-, cual ta cuadra cu e suma di e cura di cas cu Benny Sevinger a bestel pa su cas.
Hues ta “catch” Benny Sevinger y Susebeek ta gaña:
Benny Sevinger ta splica tres (3) hues cu el a paga Susebeekbek cash. HOF ta bisa cu inicialmente Benny y Susebeek a declara diferente na Landsrecherche. Susebeek a declarainicialmente cu ta Benny mes a cumpra e hekwerk y Benny mes a paga p’e. Ora hues a confronta Susebeek cu e e–mail di dia 31 di augustus 2014, unda cu Benny a skirbi cu La Hacienda (compania di Susebeek) lo haci e prome “downpayment”, Susebeek a core cambia su declaracion. Aki Susebeek a bisa cu Benny Sevinger a duna Susebeek e placa“cash” y Susebeek a stort esaki riba cuenta di su compania pa despues haci e transfer p’e pago pa Benny. InicialmenteBenny a declara cu ta e “down payment” di solamente(Afl.9000,-) Susebeek a paga y cu Benny a duna Susebeek e placa cash bek y e restante di e pagonan Benny mes a paga naOrdimental na Miami. Aki e huesnan a gara Benny ta gañaatrobe. Investigacion financiero riba e cuentanan di Benny y Susebeek a ilustra y prueba cu Pats Property Development N.V. di Susebeek a haci ambos transferencia tanto di Afl.9000y un otro di Afl.5.400 pa un total di Afl.14.400, –. HOF a demostra con ambos declaracion ta contradeci otro. HOF a prueba e gañamento. HOF ta termina bisando cu e parti di e defensa di e compra di e cura (hekwerk) di cas di Benny Sevinger ta “ongeloofwaardig” y ta marca esaki como un “gift”, esta un regalo di Susebeek pa Benny Sevinger.
Mike Eman no a bay celebra e biaha aki?
Biaha pasa Mike Eman a sali bay celebra na cas di partidomomento Benny Sevinger a wordo condena na 1 aña di prizon. Hoger Beroep a bolbe trata e caso y cu mas prueba a condena Benny Sevinger na 4 aña di prizon. Mike Eman ta hopi keto den e dianan aki. Tristo ora bo lesa e sentencia den su totalidad y ta nos deber di splica pueblo esaki na placachikito pa asina pueblo compronde e corupcion di siglo di partido AVP. Hende ta haya berre berre di AVP ora lesa e sentencia cu tur prueba aden. AVP nunca, pero nunca mas porta digno di bo confiansa. Nos lo sigui informa pueblo.