Diadomingo mainta a drenta informe di un incidente cu hende herida na Alto Vista, mesora a dirigi tanto polis como ambulans na e sitio. Na yegada si e patruya a bin compronde cu aki ta trata di un incidente unda un homber di edad coriendo masha bon cu su scooter y un cacho preto a bula su dilanti bay atak’e y bente abao y lague herida cu hopi dolor. Na yegada di e ambulans nan a atende e victima y a transporte pa hospital. Pa algun aña caba e ley tey pero autoridad NO ta aplicando esaki corectamente mientras pueblo ta sigui sufri. Tur dia tin casonan di cacho riba caya. City Inspector tin un auto cumpra cu aparentemente nunca a core y awor te hasta yerba a crece den dje. BAN TA SERIO!