![](https://www.awe24.com/wp-content/uploads/2024/07/IMG_1698-668x334.jpeg?v=1721492593)
Diasabra mainta a drenta informe di cu un palo di lus a bin abao banda di Young Fellow na Barcadera, mesora a dirigi un patruya na e sitio. Na yegada di e patruya a mira cu e palo di lus ta schuins mita na halto pero e wayanan ta riba caminda. For di esnan presente por a compronde cu nan tabata trahando banda di dje y diripiente e palo a bin abao sin a mishi cun’e. Pero despue cu polis di trafico a presenta a bin descubri cu un operador di e backhoe a dal un schoordraad y e palo di lus a bin abao. Polis a hala atencion di e operador di e backhoe cu si e duna informacion robes of e gaña e por bay sera. E ora ey numa ela admiti. A avisa ELMARNV pa bin drecha e situacion.