Diamars merdia a drenta informe di un cas na candela na Meiveld, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un candela bao di e afdak di un compleho di apartamento y e habitantenan mes a cuminsa combati e candela. Na yegada di e bomberonan nan a tuma over y a sigui combati e candela te paga esaki por completo. Dos unidad di bombero a presenta na e sitio uno tabata e spuit mes y e otro tabata e tankwagen. Afortunadamente ningun hende a resulta herida durante e combate aki.