![](https://www.awe24.com/wp-content/uploads/2024/07/20240714_202721-668x334.jpg?v=1721049459)
Diadomingo anochi a drenta informe di un accidente cu hende herida pariba di Mundo Nobo na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi-frontal entre un Toyota Yaris y un Nissan March ora un auto a bay banda robes di caminda y a bay dal semi frontal. Debi na e impacto un persona a resulta levemente herida. Na yegada di e ambulans nan a atende victima levemente herida na e sitio mes.