E AUTO A KIBRA DEN 2

Diadomingo pa mas o menos 2:50 marduga Central di Polis ta wordo notifica door un unidad di polis cu un rato prome un skyline color shinishi lo a casi dal frontal den nan.

Nan a bira pa bay atende cu e chauffeur di auto pero a perde for di bista. Un rato despues ta topa cu e auto accidenta den bocht di Tierra del Sol. Na yeganda di e unidad ta topa cu e skyline shinishi banda di caminda full total loss.

Na e sitio di e sucedido ta pidi ambulance cu maximo urgencia mirando cu e mucha muher cu ta pasahero den e auto no ta reacionando.

Ambulance ta yega na e sitio pero no por a haci nada mas pa e mucha muher. Te cu awo no tin identidad di e victima.

Ta haci un apelacion na famia of conoci cu ta sinti falta di nan ser keri, un mucha muhe hoben pa tuma contacto cu Central di Polis na number di telefoon 100.

E chauffeur di e skyline a keda deteni pa mas investigacion. Specialista di Trafico a presenta na e sitio como tambe polis technico y docter forensico pa haci nan investigacion. Departamento di Slachtofferhulp tambe tabata presente pa brinda sosten.

awe24.com y tambe Cuerpo Policial ta manda palabra di condolencia na famia di e fayecido.