Diasabra madruga a drenta informe di un accidente cu hende herida na e rotonde na Noord, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai a perde control y bay cay den e rooi. Debi na e impacto e chauffeur tabata keha di dolor, na yegada di e ambulans nan a atende e victima y a transporte pa hospital. Polis a bay na e adres di e chauffeur pa informa su casa di e susedido.